ڕەگەزنامەی هەولێر: لە سبەیەوە نۆرەی ئەلیكترۆنی دەستپێدەكات

ئاڤا نیوز

بەڕێوەبەرایەتیی ڕەگەزنامە و باری شارستانیی هەولێر ئاگادارییەك ئاراستەی هاووڵاتیان دەكات و ڕایدەگەیێنێت لە سبەیەوە نۆرەی ئەلیكترۆنی دەستپێدەكات و هیچ مامەڵەیەك بێ نۆرەی ئەلیكترۆنی ڕایی ناكرێت.

بڵاوكراوەی فەرمی: بەڕێوەبەرایەتیی ڕەگەزنامە و باری شارستانیی هەولێر ڕایگەیاند: ئاگاداری هاووڵاتیان دەكەینەوە لە ڕێككەوتی 2025-03-18، نۆرەی ئەلیكترۆنی كارا دەبێت لە سەرجەم فەرمانگەكانی سەر بە بەڕێوەبەرایەتیی رەگەزنامە و باری شارستانیی هەولێر.

زانیاریی زیاتر: بەڕێوەبەرایەتییەكە ئاشكرای دەكات كە هیچ مامەڵەیەك بەبێ نۆرەی ئەلیكترۆنی ڕایی ناكرێت و هاووڵاتی پێویستە كارتی بانكی پێبێت بۆ پارەدان.