ئەنەکەسە و پەیەدە لە بنکەیەکی ئەمریکییەکان لە کۆبوونەوەن

ئاڤا نیوز

 

لە بەیانی ئەمڕۆوە کۆبوونەوەی نێوان ئەنەکەسە و پەیەدە لە بنکەیەکی ئەمریکییەکان لە شاری حەسەکە دەستیپێکردووە.

 

لێدوانی فەرمی: بەشار ئەمین، ئەندامی مەکتەبی سیاسی پارتی دیموکراتی کوردستانی سووریا بە ئاڤا میدیای ڕاگەیاند، کۆبوونەوەکە دەستیپێکردووە، جگە لە ئەنەکەسە و پەیەدە وەفدێکی ئەمریکیەکانیش بەشدارن و مەزڵووم عەبدیش لە کۆبوونەوەکەیە. ناوەرۆکی کۆبوونەوەکە بۆ دروستکردنی کۆنووسێکی هاوبەشە هاوکات دروستکردنی شاندێکی هاوبەشە بۆ دیمەشق.

 

بەشار ئەمین ئەوەش دەڵێت: لەمەوبەر ئەنەکەسە و پەیەدە هەریەکەیان لای خۆیەوە کۆنووسێکی نووسیوە، لە کۆبوونەوەکەی ئەمڕۆ دەیانەوێت بگەنە کۆنووسێکی هاوبەش.

 

ئەوەی پێویستە بیزانیت: ڕۆژی 16-1ـی ئەمساڵ مەزڵووم عەبدی، فەرماندەیی گشتیی هێزەکانی سووریای دیموکرات سەردانی سەرۆک بارزانی کرد، بەرهەمی ئەو دانیشتنە بوو بە هۆکاری لەیەک نزیکبوونەوەی ئەنەکەسە و پەیەدە.