بەهۆی هێرشەكانی توركیا لە ڕۆژئاوای كوردستان 74 هاووڵاتیی سڤیل كوژراون

ئاڤا نیوز

ڕێكخراوی ئینسایتی نزیك لە هێزەكانی سووریای دیموكرات ڕایدەگەیەنێت، لەسەرەتای ئەمساڵەوە بەهۆی بۆردوومانی تۆپخانە و فرۆكە جەنگییەكانی توركیا بۆ سەر ڕۆژئاوای كوردستان، 74 هاووڵاتی سڤیل گیانیان لەدەستداوە، 314 كەسی دیكەش بریندار بوون كە ژمارەیەكیان منداڵن.

وێنە گەورەكە: دوای هێرشەكەی توركیا لە كۆبانێ كە بووە هۆی كوژرانی 9 كەسی یەك خانەوادە، دەنگدانەوەی لێكەوتەوە و هێزەكانی سووریای دیموكرات بەتاوانی دژ بە مرۆڤایەتی وەسفی كرد و داواشی لە هاوپەیمانی نێودەوڵەتی كرد ڕێگری لەوجۆرە هێرشانە بكات.

ڕاگەیێنراوی فەرمی: بەپێی ئامار و داتاكانی بەردەست ڕێكخراوی ئینسایت،

- بەهۆی هێرشەكانی توركیا بۆ سەر ناوچە جیاجیاكانی ڕۆژئاوای كوردستان بەتایبەت ناوچەكانی دەوروبەری بەنداوی تشرین و كۆبانێ، لانیكەم 74 هاووڵاتی سڤیل گیانیان لەدەستداوە و 314 كەسیش برینداربوون.
 
- ڕێكخراوەكە داوا لە دەسەڵاتدارانی حكومەتی نوێی سووریا دەكات، داوای ڕاگرتنی هێرشەكانی توركیا بكات و گیانی هاووڵاتیان بپارێزێت.