ترەمپ و پووتین لەسەر ئاگربەستی سنووردار ڕێککەوتن

ئاڤا نیوز

 

دۆناڵد ترەمپ، سەرۆکی ئەمریکا و ڤلادیمیر پووتین، سەرۆکی ڕووسیا لەسەر ئاگربەستێکی سنووردار لە شەڕی ئۆکراینا ڕێککەوتن.

ڕاگەیێنراوی فەرمی: بەگوێرەی ڕاگەیێنراوێکی کۆشکی سپی، لە پەیوەندییە تەلەفۆنییەکەی نێوانیاندا ترەمپ و پووتین لە سەر ئەوە ڕێککەوتن کە بۆ ماوەی 30 ڕۆژ "ئاگربەستی وزە و ژێرخان" لە شەڕی ئۆکراینا ڕابگەیێن. ئەوان هەروەها لەسەر ئەوە ڕێککەوتن کە دەبێت دەستبەجێ گفتوگۆکانی ئاگربەستێکی فراوانتر دەستپێبکەنەوە. 

لەلایەکی دیکەوە: کۆشکی سەرۆکایەتیی ڕووسیا، کرێملین، ڕایگەیاند مەرجی ڕووسیا بۆ ئاگربەست ئەوەیە کە ڕێگە نەدرێت ئۆکراینا خۆی پڕچەک بکاتەوە.

زانیاریی زیاتر: هاوکات، ڕووسیا و ئۆکراینا ڕێککەوتن لەسەر ئەوەی 175 دیلی نێوانیان ئاڵوگۆڕ بکەن.