دادگەی فیدراڵی سێ بڕیار لەبارەی مووچەی فەرمانبەرانی كوردستان دووپات دەکاتەوە

ئاڤا نیوز

دادگەی فیدراڵیی عێراق دانیشتنێكی تایبەت بە مووچەی فەرمانبەرانی هەرێمی كوردستان ڕێكخست و لەمیانەدا چەند بڕیارێكی دا.

لێدوانی فەرمی: هاوڕێ تۆفیق، بەرپرسی پەیوەندییەکانی سەرۆکایەتیی کۆماری عێراق ڕایگەیاند: وەکو بریکاری یاسایی سەرۆکكۆماری عێراق، داوانامەی یاساییمان لە ڕێككەوتی 20-1-2025 لە دادگای فیدراڵی تۆمار کرد، بۆ داکۆکیکردن لە مووچەی خەڵکی کوردستان، دادبینی یەکەم و و دووەم تەواو بوو و حوکمی تیادا دەرچوو.

زانیاریی زیاتر: لەمیانەی دانیشتنەكەی ئەمڕۆی دادگەی فیدراڵی ئەم بڕیارانەی خوارەوە سەبارەت بە مووچەی فەرمانبەران دران:

- دادگەی فیدراڵی تەوتینی مووچە داوا دەکات بە گوێرەی ڕێنمایی بانکی مەرکەزی و بانکە حکومیی و ئەهلییەکان بگرێتەوە، فەرمانبەران ئازاد بن لە هەڵبژاردنی بانکەکان و ئەمەش لە ڕێگەی وەزارەتی دارایی حکومەتی هەرێمی كوردستان لەگەڵ وەزارەتی دارایی فیدراڵ بکرێت.

- دووپاتی قەراری پێشووی دادگەی فیدراڵی کراوەتەوە لەسەر مووچە.

- نابێت کێشەکانی نێوان حکومەتی فیدراڵ و حكومەتی هەرێمی كوردستان ببن بە هۆکاری خەرجنەکردنی مووچەی فەرمانبەران.