لە گەڕەکێکی هەژارنشینی هەولێر هەزاران نەمام دەچێنرێت

ئاڤا نیوز

 

بەمەبەستی بەرزكردنەوەی ڕێژەی سەوزایی لە هەولێر، گەڕەكێكی هەژارنشینی شارەكە نەمامڕێژ دەكرێت و هەزاران دار دەچێندرێت.

 

وێنە گەورەكە: لەچوارچێوەی پاراستنی ژینگەی هەرێمی كوردستان و زیادكردنی ڕووبەری سەوزایی لە شار و شارۆچكەكان، تیمەكانی ئەندازەی پارك و باخچەكان دەستیكردووە بەخاوێنكردنەوە و تەختكردنی پانتاییەكی فراوان لە گەڕەكی كوردستان نزیك بازاڕی كۆنی گەڕەكەكە، بۆ چاندنی هەزاران نەمام، ئەوەش لەپێناو سەوزكردنی گەڕەكەكە.

 

لێدوانی فەرمی: ئومێد خۆشناو، پارێزگاری هەولێر ڕایگەیاند، تیمەكانی ئەندازەی پارك و باخچەكان، هەزاران نەمام لە گەڕەكی كوردستان دەچێنن، بۆ ئەم مەبەستەش هەڵمەتێكی خاوێنكردنەوە و تەختكردنی پانتاییەكی فراوان لە نزیك بازاڕی كۆنی گەڕەكەكەیان دەستپێكردووە.

 

باكگراوند: پلانی كابینەی نۆیەمی حكومەتی هەرێمی كوردستان بۆ بایەخدان بە زیادکردنی ڕووبەری سەوزایی و پاککردنی ژینگە، وایكردووە؛ ڕێژەی سەوزایی لە هەولێر بگاتە 20%، پلانیش وایە ڕێژەكە بەرزتربكرێتەوە تا دەگاتە ستاندەرە جیهانییەكان بۆ شارێكی نموونەیی.