کوژرانی بەرپرسێکی پەکەکە لە شنگال ڕاگەیێنرا

ئاڤا نیوز

 

دژەتیرۆری کوردستان زانیاری لەبارەی کوژرانی بەرپرسێکی هەواڵگریی پەکەکە و برینداربوونی پاسەوانێکی لە قەزای شنگال بڵاوکردەوە و ڕایگەیاند، درۆنی تورکیا کردوویانەتییە ئامانج. 

 

ڕاگەیێنراوی فەرمی: کاتژمێر 17:30ـی ئێوارەی ئەمڕۆ هەینی 08-03-2024، فڕۆکەی بێفڕۆکەوانی سوپای تورکیا لە نزیک گوندی زەرکا لە ڕۆژئاوای قەزای شنگال، گرووپێکی چەکدارانی پەکەکەی بەئامانج گرت.

زانیاریی زیاتر: لە هێرشەکەدا بەرپرسێکی هەواڵگریی پەکەکە کوژراو و پاسەوانێکیشی بریندار بوو.

 

هۆکارە زانراوەکان: بەهۆی بوونی چەکدارانی پەکەکە و چالاکییەکانیان لە بەشێکی ناوچەکانی هەرێمی کوردستان، تورکیا ئەو ناوچانە بۆردوومان دەکات.