سوپای ئیسرائیل ئۆپەراسیۆنی زەمینیی لە کەرتی غەززە دەستپێدەکات

ئاڤا نیوز

سوپای ئیسرائیل ئۆپەراسیۆنێکی زەمینیی لە غەززە دەستپێدەکات و جموجۆڵی دانیشتووانی غەززە سنووردار دەکات.

وێنە گەورەکە: ڕۆژی پێنجشەممە، 20-3-2025، دوای نزیکەی دوو مانگ لە ڕاگرتنی شەڕ جارێکی دیکە  سوپای ئیسرائیل دەستپێکردنەوەی ئۆپەراسیۆنێکی زەمینیی سنووردار لە ناوەڕاست و باشووری کەرتی غەززەی ڕاگەیاند.

ڕاگەیێنراوی فەرمی: سوپای ئیسرائیل لە بەیاننامەیەکدا ڕایگەیاند: ئامانجی ئۆپەراسیۆنەکەفراوانکردنی ناوچەی بەرگری نێوان باکوور و باشووری کەرتی غەززەیە.

زانیاریی زیاتر: سوپای ئیسرائیل دوێنێ چوارشەممە، فەرمانی چۆڵکردنی بۆ دانیشتووانی چەند ناوچەیەکی باکووری کەرتی غەززە دەرکرد و ڕایگەیاند لەو ناوچانە هێرشی چڕ ئەنجام دەدەن.

ئەمەش بزانە: سوپای ئیسرائیل هاتووچۆی دانیشتووانی ناوچەی نێوان باکوور و باشووری کەرتی غەززەی قەدەغەکرد و تەنیا یەک دەروازەی بۆ هاتووچۆکردن کردووەتەوە.

زیانە سەرەکییەکان: وەزارەتی تەندروستی غەززە ڕایگەیاند: لە ماوەی دوو ڕۆژی دەستپێکردنەوەی هێرشەکانی ئیسرائیل بۆ سەرکەرتی غەززە 710 کەس کوژران و 900 کەسی دیکەش  برینداربوون.