نەتەوە یەکگرتووەکان: ساڵی ڕابردوو نزیکەی نۆ هەزار کۆچبەر گیانیان لەدەستداوە

ئاڤا نیوز

ڕێکخراوی نێودەوڵەتیی کۆچبەرانی نەتەوە یەکگرتووەکان ئاماری گیانلەدەستدانی کۆچبەرانی بۆ ساڵی  2024، ڕاگەیاند.

وێنە گەورەکە: بە گوێرەی ڕاگەیێنراوەکە، ساڵی ڕابردوو ساڵێکی پڕ لە مردن بووە بۆ کۆچبەران و لە سەرتاسەری جیهان هەشت هەزار و  938 کۆچبەر لە ڕێگەی کۆچکردن گیانیان لەدەست داوە.

لێدوانی فەرمی: یوگۆچی دانیێڵز، بەڕێوەبەری گشتیی ڕێکخراوی نێودەوڵەتیی کۆچبەران (IOM) ڕایگەیاند:

- زیادبوونی ژمارەی گیانلەدەستدانی کۆچبەران لە سەرانسەری جیهاندا ھەم قبوڵنەکراوە و ھەمیش دەکرێت ڕێگری لێ بکرێت.

- ئەم ژمارەیە نیشاندەری ئەوەیە کە پێویستمان بە وەڵامدانەوەیەکی نێودەوڵەتی و تەواوە تا بتوانێت ڕێگری لە زیاتر لەدەستدانی مردنی کۆچبەران بکات.

ئەوەی پێویستە بیزانیت: نەتەوە یەکگرتووەکان ئاماژەی بەوە داوە کە لە پێنج ساڵی ڕابردوودا ئامارەکانی گیانلەدەستدانی کۆچبەران زیاتر بووە. ساڵی پێشتر، 2023، ئاماری گیانلەدەستدان هەشت هەزار و 747 کەس بووە.