ترەمپ: شەڕمان ناوێت، بەڵام ئەگەر ڕووبدات ئامادەین

 

ئاڤا نیوز

لە کۆشکی سپی دۆناڵد ترەمپ، سەرۆکی ئەمریکا جۆرێکی نوێی فڕۆکەی جەنگی وڵاتەکەی ئاشکراکرد و ڕایگەیاند، لەگەڵ چین شەڕیان ناوێت بەڵام ئەگەر ڕووبدات ئامادەن.

وێنە گەورەکە: لە دوای دەستبەکاربوونەوەی دۆناڵد ترەمپ، سەرۆکی ئەمریکا بەردەوامە لە ڕێکخستنەوەی کارەکانی حکومەتەکەی و دەیەوێت لەو ڕێککەوتنانەی وڵاتەکەی ئەنجامی دەدات زۆرترین قازانجی بۆ ئەمریکا بێت، هاوکات کار لەسەر بەهێزکردنی توانای سەربازی وڵاتەکەی دەکات.

لێدوانی فەرمی: دۆناڵد ترەمپ ڕایگەیاند:

٠ ئەمریکا دەبێتە خاوەنی نەوەی شەشەمی فڕۆکەی جەنگی F-47، ئەم فڕۆکەیە پێشکەوتووترین و بەتواناترین و کوشندەترین فڕۆکەی جەنگی دەبێت تا ئێستا ئەمریکا دروستی کردبێت. وەشانێکی تاقیکاریی فڕۆکەکە نزیکەی پێنج ساڵە بە نهێنی دەفڕێت.

٠ ڕۆژی 2ـی ئەپریل ڕۆژی ئازادبوونی ئەمریکایە و دەیان ملیار دۆلاری باجی گومرگی دەگەڕێتەوە بۆ ئەمریکا.

٠ پێویستمان بە بەرهەمەکانی کەنەدا نییە و پاڵپشتیکردنی ئەو وڵاتە ساڵانە 200 ملیار دۆلار لەسەر ئەمریکا دەکەوێت، و پێویستە ببێتە ویلایەتێکی ئەمریکا، سنوورمان لەگەڵ کەنەدا دروستکراوە.

٠ شەڕمان لەگەڵ وڵاتی چین ناوێت بەڵام ئەگەر شەڕ ڕووبدات ئامادەین.