کۆشکی سپی: ئیمارات بۆ ماوەی 10 ساڵ وەبەرهێنان لە ئەمریکا دەکات

 

ئاڤا نیوز 

وڵاتی ئیمارات دەیەوێت بە بەهای ملیاران دۆلار وەبەرهێنان لە ئەمریکا بکات، و کۆشکی سپیش دەڵێت، ئیمارات بۆ ماوەی 10 ساڵ وەبەرهێنان ژێرخانی وزە و زیرەکی دەستکردی وڵاتەکەیان دەکات.

وێنە گەورەکە: دوای میوانداریکردنی شێخ تەحنون بن زاید، ڕاوێژکاری ئاسایشی نیشتمانی ئیمارات لەلایەن دۆناڵد ترەمپ، سەرۆکی ئەمریکا لە کۆشکی سپی، ئیمارات پابەند بوونی وڵاتەکەی بە دەستپێکردنی وەبەرهێنان لە ئەمریکا ڕاگەیاند.

ڕاگەیێنراوی فەرمی: کۆشکی سپی ڕایگەیاند:

٠ لە چوارچێوەی ڕێککەوتنێکدا، ئیمارات پابەندە بۆ ماوەی 10 ساڵ و بە بەهای 1.4 تریلیۆن دۆلار وەبەرهێنان لە ئەمریکا بکات.

٠ ئەم وەبەرهێنانە بەرچاوانە جەخت لەسەر پەیوەندییە نزیکەکانی نێوان ئەمریکا و ئیمارات دەکەنەوە، هەروەها پەرەپێدانی پەیوەندی بەهێزی هەردوولایە.

زانیاری زیاتر: بەپێی ڕێککەوتنی نێوان ئیمارات و ئەمریکا، ئەو وڵاتە وەبەرهێنان لە ژێرخانی زیرەکی دەستکرد، نیمچەگەیەنەرەکان، وزە و کارگەکانی بەرهەمهێنانی ئەمریکا بۆ ماوەی 10 ساڵ دەکات.