فایلی خەڵک؛ دانیشتوانی گوندێکی هەولێر نیگەرانن و داوای خزمەتگوزاری لە حکومەت دەکەن

ئاڤا نیوز

بەهۆی کەمی خزمەتگوزاری و نەبووی یاریگای وەرزشی، دانیشتوانی گوندێکی هەولێر لەڕێگەی ئاڤاوە نیگەرانییەکانیان دەردەبڕن و داوا دەکەن حکومەت ئاوڕیان لێ بداتەوە.

وێنە گەورەکە: دانیشتووانی گوندی داڵداغان لە سنووری ناحیەی شەمامک، نیگەرانن و دەڵێن، یاریگامان نیە و ڕێگەوبانەکانیشمان خراپن.

لێدوانی فەرمی: کاروان عارف، بەڕێوەبەری ناحیەی شەمامک دەڵێ: بۆ یاریگاکە گەنجەکان با بچنە لای موختاری گوند و لەوێوە داواکاری پێشکەش بە ناحیە بکەن، ئەگەر زەوی هەبێت یاریگەیەکیان بۆ درووست دەکەین.

- سەبارەت بە قیرتاوکردنی ڕێگەی گوندەکە، "لە ساڵی 2024 پلانمان دانابوو کە بە بڕی سێ ملیار و 50 ملیۆن دینار ڕێگاکە نۆژەن بکەینەوە و قیرتاوی بکەین، بەڵام بە هۆی قەیرانی داراییەوە ئەو بودجەیەمان لەبەر دەست نەبوو".

- بۆ هەموو گوندەکانی سەر بە ناحیەی شەمامکیش، هەرکامێک داواکاریی هەبوو، دەتوانێت بیدەنە موختارەکان و ئەوانیش بەرزی بکەنەوە بۆ بەڕێوەبەری ناحیە.