پێنتاگۆن: دەفری فڕیو و بوونەوەری ئاسمانی ڕاست نییە

ئاڤا نیوز

پێنتاگۆن ئەنجامی نزیکەی 80 ساڵ لێکۆڵینەوە لە ئەگەری بوونی دەفری فڕیو، تەنی نامۆ و بوونەوەری هۆشمەند لە دەرەوەی هەسارەی زەوی بڵاو دەکاتەوە. بە گوێرەی لێکۆڵینەوەکە، هیچ بەڵگەیەک بۆ بوونی بوونەوەری هۆشمەند لە دەرەوەی زەوی نيیە. 

وێنە گەورەکە: لە ڕاپۆرتەکەی پێنتاگۆندا ئاماژە بەوە دراوە، بەشێکی ئەو گومانانەی کە پێشتر هەبوون وێناکردنی هەڵە بووە، لە بەشێکیدا هاتووە: "تەواوی هەوڵەکانی لێکۆڵینەوە، لە هەموو ئاستەکانی پۆلێنکردن، بەو ئەنجامە گەیشتوون کە زۆربەی ئەو شتانەی کە بینراون تەن و دیاردەی ئاسایین و ئەنجامی بەهەڵە ناسینەوەیان بووە".

زانیاریی زیاتر: لە ساڵی 1945ەوە ئەمریکا لێکۆڵینەوەکانی لە ئەگەری بوونی بوونەوەری هۆشمەند لە دەرەوەی هەسارەی زەوی دەستپێکردووە.

ئەمەش بزانە: بەرپرسانی پێنتاگۆن گوتویانە ئەم ڕاپۆرتە بەرگی یەکەمی ڕاپۆرتێکی دوو بەرگییە کە بۆ کۆنگرێس ئامادە کراوە. بڕیارە دواتر بەرگی دووەمیشی بڵاو بکرێتەوە. 

باکگراوند: دەیان ساڵە گریمانەی بوونی بوونەوەری هۆشمەند و دەفری فڕیو لە دەرەوەی هەسارەی زەوی هەیە؛ ڕاپۆرتەکە بڵاو بوونەوەی ئەم جۆرە باسانە لە ناو خەڵکدا بۆ چیرۆکە خەیاڵییەکانی ناو فیلم و کتێبەکان دەگەڕێنێتەوە.