نوێنەری ترەمپ: پوتن کەسێکی خراپ نییە

 

ئاڤا نیوز

ئەمریکا ستایشی هەوڵەکانی پوتن دەکات و بە کەسێکی متمانەپێکراو ناوی دەهێنێت، پوتنیش وتوویەتی، نزای بۆ ترەمپ کردووە کاتێک تەقەی لێکراوە.

چیرۆکی سەرەکی: هەفتەی ڕابردوو لە مۆسکۆ ستیڤ ویتکۆف، نوێنەری تایبەتی ترەمپ بۆ ڕۆژهەڵاتی ناوەڕاست چەند کاتژمێرێک لەگەڵ ڤلادیمێر پوتن سەرۆکی ڕووسیا کۆبووەوە لەسەر پرسەکانی پەیوەندی ئەمریکا و ڕووسیا و ڕاگەیاندنی ئاگربەست لە ئۆکراینا گفتوگۆیان کرد.

لێدوانی فەرمی: ستیڤ ویتکۆف، نوێنەری تایبەتی دۆناڵد ترەمپ، سەرۆکی ئەمریکا، بۆ ڕۆژهەڵاتی ناوەڕاست ڕایگەیاند:

 

 

ستایشی ڤلادیمێر پوتن، سەرۆکی ڕووسیای کردووە و کەسێکی متمانەپێکراوە و ڕاشیگەیاند، گەیشتوومەتە ئەو باوەڕەی کە پوتن پیاوێکی خراپ نییە، و سەرکردەیەکی گەورەیە کە هەوڵدەدات کۆتایی بەو ململانێ خوێناوییە بهێنێت کە ماوەی سێ ساڵە لە نێوان مۆسکۆ و کیێڤدا بەردەوامە.

پوتن پێی وتم، کاتێک ترەمپ تەقەی لێکراوە وەک هاوڕێیەکی چووەتە کەنیسەی کۆشکی کرێملن و نزای چاکبوونەوەی بۆ کردووە.