زیاتر لە 20 هەزار گەشتیار لە سنووری ئیدارەی سەربەخۆی سۆرانەوە هاتوونەتە هەرێمی کوردستان

ئاڤا نیوز

 

لە ڕۆژانی نەورۆزدا لە دەروازەکانی سنووری ئیدارەی سەربەخۆی سۆران، زیاتر لە 20 هەزار گەشتیار هاتوونەتە ناو خاکی هەرێمی کوردستانەوە.

 

لێدوانی فەرمی: فەیسەڵ سادق، بەڕێوەبەری گشتیی گەشتوگوزاری سۆران بە ئاڤا میدیای ڕاگەیاند: "بەهۆی پابەندبوونی هاووڵاتییان بە ئەرکە ئاینییەکان لە مانگی ڕەمەزان و ڕەوشی کەشوهەوا لە ڕۆژانی نەورۆزدا، ڕێژەی  هاتنی گەشتیاری ناوخۆیی بۆ ناوچە گەشتیارییەکان کەمبوو، بەڵام چاوەڕوان دەکرێت لە ڕۆژانی جەژندا ڕێژەکە هەڵکشێت".

 

زانیاریی زیاتر: لە هەردوو دەروازەی سنووری حاجی ئۆمەران و زێد لە ئیدارەی سەربەخۆی سۆران، زیاتر لە 20 هەزار گەشتیار هاتوونەتە ناو خاکی هەرێمی کوردستان.

 

ژمارەکان وادەڵێن: لە سنووری ئیدارەی سەربەخۆی سۆران 170 ناوچەی گەشتیاریی مۆڵەتدار هەیە، بە وتەی بەڕێوەبەری گەشتوگوزاری سۆران ژمارەک ناوچەی گەشتیاریی تۆمارنەکراویش هەیە، کە بەهۆی نەبوونی مەرجەکانەوە وەکو ناوچەی گەشتیاری مۆڵەتیان پێنەدراوە.