داوا دەکرێت دەرماڵەی مەترسی بە ڕێژەی 20% بۆ پیشەگەرانی پزیشکی زیاد بکرێت

 

ئاڤا نیوز

وەزیری تەندروستیی عێراق داوا لە ئەنجوومەنی وەزیرانی عێراق دەکات، بە ڕێژەی 20% دەرماڵە بۆ ئەو پزیشک و کارمەندانە زیاد بکات کە دەوامەکانیان لەو شوێنانەیە مەترسی لەسەر ژیانیان دروست دەکات.

نووسراوی فەرمی: ساڵح مەهدی حەسناوی، وه‌زیری ته‌ندروستیی عێراق نووسراوێکی فەرمیی ئاڕاستەی ئەمینداریەتیی ئەنجوومەنی وەزیران کردووە، ده‌رماڵه‌ی مه‌ترسی بۆ پزیشكان به‌ڕێژەی 20% زیاد بکات.

زانیاریی زیاتر: پێشتر عەلا مالیکی، سەرۆکی سەندیکای پیشە تەندروستییەکان ئەو داوایەی ئاڕاستەی وەزیری تەندروستیی عێراق کردبوو.

ئەوەی پێویستە بیزانیت: پزیشک و کارمەندانی تەندروستی لە عێراق ڕووبەڕووی چەندین کێشە بوونەتەوە، لەوانەش؛ کەمیی مووچە و خراپی بارودۆخی نەخۆشخانەکان بەم هۆیەوەش چەندین جار خۆپێشاندانیان کردووە و ناڕازیین لە حکومەتی عێراق.