سەرۆکوەزیران مەسرور بارزانی گەیشتە قەتەر

ئاڤا نیوز

بە بانگهێشتێكی فەرمی، سەرۆكوەزیران مەسرور بارزانی، گەیشتە دەوحەی پایتەختی قەتەر و لەگەڵ بەرپرسانی وڵاتەكە كۆدەبێتەوە.

بڵاوكراوەی فەرمی: سەرۆكوەزیران مەسرور بارزانی لە لاپەڕەی خۆی لە فەیسبووك ڕایگەیاند: ئەمڕۆ بە سەردان و بانهگێشتێکی فەرمی گەیشتینە دەوحەی پایتەختی قەتەر و  لەگەڵ شێخ محەمەد بن عەبدولڕەحمان ئال سانی، سەرۆک وەزیران و وەزیری دەرەوەی دەوڵەتی قەتەر کۆبووینەوە.

زانیاریی زیاتر: لە کۆبوونەوەکەدا، وێڕای تاوتوێکردنی دوایین پێشهات و گۆڕانکارییەکانی عێراق و ناوچەکە، بیروڕا لەبارەی بەهێزکردنی پەیوەندییەکانی هەرێمی کوردستان و دەوڵەتی قەتەر ئاڵوگۆڕ كرا.