بەڕێوەبەرایەتیی ڕەگەزنامە و باری شارستانی هەولێر ئاگادارییەک بڵاودەکاتەوە

ئاڤا نیوز

 

بەڕێوەبەرایەتیی ڕەگەزنامە و باری شارستانی هەولێر ئاگادارییەک بۆ هاووڵاتیانی سەرجەم پارێزگاکانی دیکەی جگەلە هەولێر بڵاودەکاتەوە و دەڵێت، لەکاتی پڕکردنەوەی فۆرمی ئەلیکترۆنی لە دائیرەی کارتی نیشتمانی هەولێر، لە بژاردەی پارێزگاکان، 'أربیل' هەڵبژێرن. 

 

ڕاگەیێنراوی فەرمی: بەڕێوەبەرایەتییەکە ئاگاداری ئەو هاووڵاتیانە دەکاتەوە کە نفوس یاخود کارتی نیشتمانییان هەولێر نییە و هی پارێزگایەکی ترە، دەیانەوێت لە هەولێر کارتی نیشتمانی دەربکەن ئەوا پێویستە لەکاتی پڕکردنەوەی فۆرمی ئەلیکترۆنی لە چوارگۆشەی پارێزگاکان، بژاردەی (أربیل) هەڵبژێرن، ئینجا لە فەرمانگەکانیش، بەشی (تسجیل مرکزی فی أربیل) هەڵبژێرن ئەگینا نۆرەگرتنەکە هەڵە دەبێت.

 

ئەوەی پێویستە بیزانیت: کارتی نیشتمانی هەولێر، هاوکات ڤیدیۆیەکی فێرکاری چۆنیەتی پڕکردنەوەی نۆرەی ئەلیکترۆنی بڵاوکردووەتەوە کە دەتوانن لەڕێگەی پۆرتاڵی ئاڤا نیوزەوە سەیری بکەن بۆ ئەوەی لەکاتی پڕکردنەوەی فۆرمەکە دووچاری هەڵە و بەفیڕۆدانی کات نەبن.