چیرۆکی دوو کۆچبەری کورد لە بەریتانیا دەنگ دەداتەوە

 ئاڤا نیوز

 

دوو هاووڵاتی کوردی ناوچەکانی دەرەوەی ئیدارەی هەرێم بەهۆی مامەڵەی خراپی حەشدی شەعبی، کۆچ بۆ بەریتانیا دەکەن و وڵاتینامەی بەریتانیا وەردەگرن؛ چیرۆکەکەشیان دەنگدانەوە لەناو میدیای بەریتانیا دروست دەکات.

چیرۆکی سەرەکی: بەگوێرەی ڕۆژنامەی زە ناشناڵ، چیرۆکی یەکێک لە هاووڵاتییە کوردەکان بەمشێوەیە؛ چەکدارانی داعش چەند سەر ئاژەڵێکی ئەو هاووڵاتییە دەدزن، بەڵام نەیوتووە لە کوێ بووە، کە بە ئەگەری زۆر ناوچە کوردستانییەکانی دەرەوەی ئیدارەی هەرێمی کوردستانن. ئەو هاووڵاتییە کوردە، نازانێت چی بکات، دەچێت پەنا بۆ حەشدی شەعبی دەبات و داوایان لێدەکات فریای بکەون، چەکدارانی حەشدی شەعبیش وتویانە بابچین بۆ گوندەکەت، کە بەڕێکەوتوون بۆ گوندی هاووڵاتییەکە، لە ڕێگا دەکەونە ناو بۆسەیەکی داعشەکانەوە و سێ چەکداری حەشدی شەعبی دەکوژرێن.

 

دواتر چی ڕوویدا؟: چەکدارەکانی حەشدی شەعبی هاووڵاتییە کوردەکە دەگرن و دەیبەنەوە ماڵی خۆیان، دواتر زۆر لێی دەدەن و کەسووکاری کۆ دەکەنەوە و ئیهانەی هەموویان دەکەن و بە هاووڵاتییە کوردەکە دەڵێن، تۆ دەستت لەگەڵ داعش تێکەڵ کردووە و ئێمەت خستە بۆسەکەوە، هەر لەوێ دەستدرێژی گوللە لە دایکی هاووڵاتییە کوردەکە دەکەن و دەیکوژن.

 

لەلایەکی دیکە: چیرۆکی گەنجە کوردەکەی دیکەش، ڕۆژنامە بەریتانییەکە بەمجۆرە دەیگێڕێتەوە: ئەو گەنجە کوردە کە بەریتانیا وڵاتینامەی پێداوە، حەشدی شەعبی وتوویانە دەبێت بەزۆر بببیت بە حەشدی شەعبی و بێیت شەڕی داعش بکەیت، ئیدی گەنجە کوردەکە ڕەتیکردووەتەوە ئەو کارە بکات و هەڵاتووە لە دەستیان.

 

زانیاریی زیاتر: دوای ئەو دوو ڕووداوە، هەردوو گەنجەکە ڕوودەکەنە بەریتانیا و لەوێ وڵاتینامەی بەریتانیا وەردەگرن.

ئەوەی ئێستا ڕوودەدات: ئەم دوو گەنجە ناتوانن بگەڕێنەوە عێراق، داواشیان کردووە لە میدیاکان وێنە و ناو شتیان بڵاو نەکرێتەوە، بۆ ئەوەی مەترسی بۆ سەر کەسووکاریان دروست نەبێت.