پلانێكی ئەمنیی تۆكمە بۆ ڕۆژانی جەژن دادەنرێت

ئاڤا نیوز

 

بەڕێوەبەرایەتیی گشتیی بەرگریی شارستانیی هەرێمی كوردستان پلانی ئەمنی بۆ ڕۆژانی جەژنی پیرۆزی ڕەمەزان ڕادەگەیەنێت.

 

وێنە گەورەكە: بەبۆنەی هاتنی جەژنی رەمەزانی پیرۆز و پشووەکانی ئەم جەژنە لە رێکكەوتی 29-3-2025 تاوەكو 5-4-2025، سەرجەم هێزەکانی پۆلیس و بەرگریی شارستانیی لەتەواوی هەرێمی کوردستان خرانە حالەتی ئامادەباشی، بە مەبەستی پاراستنی سەروماڵی هاووڵاتیان.

 

ڕاگەیێنراوی فەرمی: فەرمانگەی میدیا و زانیاریی حكومەتی هەرێمی كوردستان ڕایگەیاند، لەپێناو پاراستنی سەروماڵی هاووڵاتیان لە ڕۆژانی جەژندا، پلانێكی ئەمنیی تۆكمە جێبەجێ دەكرێت كە خۆی لە سێ خاڵی سەرەكیدا دەبینێتەوە:

یەكەم: سەرجەم بنکەکانی ناوشار و دەرەوی شار لە ئێشکگری تەواودا دەبن.

دووەم: ⁠تیمی گەڕۆک بەردەوام دەبن لە شوێنە گشتییەکانی ناوشار و بازاڕەکان.

سێیەم: ⁠بە هەماهەنگی لەگەڵ دیوانی پارێزگاکان و دەستەی گەشتوگوزار، ناوچە گەشتیارییەکان تیمی گەڕۆکی لێ جێگیر دەکرێت بۆ پاراستنی گەشتیاران.