فایلی خەڵک؛ وەزارەتی شارەوانی ڕوونکردنەوە لەبارەی دابەشکردنی زەوی دەدات

ئاڤا نیوز

بەشێک لە هاونیشتمانیان لە بەرامبەر تێکدانی خانووی زێدەڕۆ کە پێشتر لەلایەن شارەوانییەوە قەرەبوو کراونەتەوە، داوای ڕوونکردنەوە دەکەن کە ئایا بە سوودمەندبوو هەژمار دەکرێن یان دەتوانن لە وەرگرتنی زەویی فەرمانبەریش سوودمەند ببن.

وێنە گەورەکە: پێش بڕیاری دابەشکردنی زەوی بەسەر فەرمانبەران، ژمارەیەک هاووڵاتیی خانوویان لەسەر زەوی زێدەڕۆ دروستکردبوو، بەڵام لەلایەن شارەوانی تێکدراون، لەبەرامبەردا قەرەبوو کراونەتەوە، داوا لە ئاڤا دەکەن بەدواداچوونیان بۆ بکرێت ئایا بە قەرەبوو هەژمار دەکرێن یان دەتوانن زەوی فەرمانبەریش وەبگرن؟

لێدوانی فەرمی: سەربەست مولوود، سەرپەرشتیاری پرۆسەی دابەشکردنی زەوی لە وەزارەتی شارەوانی بە ئاڤای گوت، ئەو کەسانە بەپێی ڕێنمایی تاپۆکردنی ئەو کاتە مامەڵەیان لەگەڵ دەکرێت، بۆ نموونە لە ڕێنمایی ساڵی 2021 هاتووە ئەگەر ئەو کەسەی بەو زەوییەی قەرەبووکراوەتەوە لە 200 مەتر کەمتر بێت بە سوومەندبوو هەژمار ناکرێت، دەتوانێت زەویی فەرمانبەریش وەربگرێت، بەڵام 200 مەتر بێت یان زیاتر بە سوومەندبوو هەژمار دەکرێن و زەوی فەرمانبەری نایانگرێتەوە.

- ئەو کەسانەی پێش ساڵی 2021 هەر زەوییەکیان وەرگرتووە یان قەرەبووکراونەتەوە بە سوومەندبوو هەژمار دەکرێن، بۆیە ئەو کەسانەی قەرەبوو کراونەتەوە دەبێت بگەڕێنەوە سەر ئەو ڕێنماییەی کە ئەوکات زەوییەکەیان وەرگرتووە.