دوای جەژن گفتوگۆ لەبارەی دابەشکردنی پۆستەکانی کابینەی نوێ دەکرێت

ئاڤا نیوز

 

ئەندامێکی شاندی باڵای دانوستاندنکاری پارتی جەخت لەوە دەکاتەوە کە گفتوگۆکردن لەسەر پێکهێنانی کابینەی دەیەمی حکومەتی هەرێمی کوردستان لە قۆناغی کۆتاییدایە، "دوای جەژن لەگەڵ یەكێتی گفتوگۆ لەسەر پۆستەکان دەکەین."

 

وێنە گەورەکە: پارتی و یەکێتی هەنگاوێک لە ڕێککەوتنی کۆتایی و پێکهێنانی کابینەی نوێی حکومەتی هەرێمی کوردستان دوورن، هەنگاوی داهاتووی هەردوو حیزبەکە یەکلایی کردنەوەی کاندیدە بۆ ئەو پۆستانەی بەریان دەکەوێت.

 

لێدوانی فەرمی: پشتیوان سادق، ئەندامی مەکتەبی سیاسی و ئەندامی شاندی دانوستاندنکاری پارتی لە کۆنگرەیەکی ڕۆژنامەوانیدا گوتی، "ڕێککەوتنی سیاسی لەگەڵ یەكێتی و لایەنەکان کراوە و دوای جەژن گفتوگۆ لەبارەی دابەشکردنی پۆستەکان دەکرێت."

 

ئەمەش بزانە: پارتی و یەکێتی سەرجەم پۆستەکانیان پۆلێن کردوون، هەردوولا کاندید ئامادە دەکەن، بۆ ئەوەی دوای جەژن حکومەتی نوێ ڕابگەیێنرێت.