ئاڤا میدیا بە بۆنەی جەژن بەرنامەی 'جەژنتان ئاڤا' پێشکەش دەکات

ئاڤا نیوز

ئاڤا میدیا لە ڕۆژانی جەژنی ڕەمەزان بە شێوەیەکی ڕاستەوخۆ بەرنامەی 'جەژنتان ئاڤا' لەسەر قەڵای هەولێر پێشکەش دەکات.

چیرۆکی سەرەکی: جەژنتان ئاڤا، بەرنامەیەکی نوێی هونەری  ئاڤا میدیایە و تایبەتە بە ڕۆژانی جەژنی ڕەمەزان، لە لایەن هەردوو پێشکەشکار، شانۆ بەکر فەرەج و هونەرمەند حەسەن غەفوور بە شێوەیەکی راستەوخۆ پێشکەش دەکرێت.

زانیاریی زیاتر: بەرنامەی 'جەژنتان ئاڤا' هەر سێ رۆژی جەژن لە کاتژمێر 2ـی دوای نیوەڕۆ لەسەر قەڵای هەولێر پێشکەش دەکرێت، بۆ هەر بەرنامەیەک دوو هونەرمەندی دیاری کوردستان میوانی بەرنامەکە دەبن؛ لە ڕۆژی یەکەمدا هونەرمەندان شیروان عەبدوڵڵا و خالید ڕامبۆ، کۆمەڵێک گۆرانی و بەندی تایبەتیان بۆ بینەران و گوێگران گووتەوە.