کاروانی ئۆتۆمبێلەکانی سوودانی تووشی ڕووداوی هاتووچۆ هاتن

ئاڤا نیوز

بەهۆی وەرگەڕانی ئۆتۆمبێلێکی کاروانی پاسەوانانی سەرۆکوەزیرانی عێراق، یەکێک لە پاسەوانانی گیانی لەدەستدا و سێی دیکەش برینداربوون.

چیرۆکی سەرەکی: ئەمڕۆ دووشەممە 31-03-2025، جگە لە هەرێمی کوردستان، لە شارەکانی دیکەی عێراق یەکەم ڕۆژی جەژنی ڕەمەزان بوو، سوودانی ڕۆژێک پێشتر بە مەبەستی جەژن سەردانی زێدی خۆی لە پارێزگای میسانی کردبوو و لەوێ نوێژی جەژنی کرد. لە کاتی گەڕانەوەی بۆ بەغدا کاروانی ئۆتۆمبێلەکانی تووشی ڕووداوی هاتووچۆ دەبن.

زانیاریی بەدەستهاتوو: لە کاتی گەڕانەوەی بۆ بەغدا، لە ڕێگەدا لە ناحیەی شێخ سەعد لە خۆرئاوای پارێزگای واست یەکێک لە ئۆتۆمبێلەکانی کاروانی پاسەوانانی وەگەڕا و لە ئەنجامدا پاسەوانێک گیانی لەدەستدا و سێ کەسی دیکەش برینداربوون.