هەموو ڕۆژانێکی هەینی هاتووچۆی بارهەڵگر و ماتۆڕسکیل قەدەغە دەکرێت

ئاڤا نیوز

دوای ئەوەی وەک ئامادەکاری بۆ جەژنی ڕەمەزان هاتووچۆی هەولێر بڕیاریدا، هاتووچۆی بارهەڵگر و ماتۆڕسکیل لە ڕۆژانی جەژن بۆ ڕێگا گەشتیارییەکان قەدەغە بێت، وتەبێژی هاتووچۆی هەولێر دەڵێت: ئەم بڕیارە بۆ هەموو ڕۆژانی هەینی دوای جەژنیشە.

وێنە گەورەکە: ساڵانە بەر لە جەژن و بۆنەکان وەزارەتی ناوخۆ کۆمەڵێک ڕێکاری نوێ دەردەکات، ئەمەش لە پێناو دروستنەبوونی ئاستەنگی هاتووچۆیە لە ناو شار و دەرەوەی شارەکان.

لێدوانی فەرمی: هێمن حەمەدەمین، وتەبێژی هاتووچۆی هەولێر بە ئاڤا میدیای ڕاگەیاند، بڕیاری قەدەغەی هاتووچۆی ماتۆڕسکیل و بارهەڵگر لە کاتژمێر 7:00ـی بەیانی تا 12ـی شەو ڕۆژانی هەینیش بەردەوامی دەبێت.

- ڕۆژی یەکەمی جەژن هیچ ڕووداوێکی هاتوچۆ لە هەولێر لە بەڕێوەبەرایەتیی هاتووچۆ تۆمار نەکراوە، بەڵام دووەم ڕۆژ سێ ڕووداو ڕوویانداوە و چەند کەسێک بریندار بوون.

- کامێرای خاڵ بۆ خاڵ ڕۆڵێکی گەورەی هەبووە لە کەمکردنەوەی ڕووداوەکانی هاتووچۆ.