ئەوقافی سلێمانی: هەر کەس مانگی بینی پێمان بڵێت

ئاڤا نیوز

 

بەهۆی ئەوەی تاوەکو ئێستا نەتوانراوە مانگ ببینرێت و یەکەم ڕۆژی مانگی ڕەمەزان دیاری نەکراوە، ئەوقافی سلێمانی داوای هاوکاری لە هاونیشتمانیان دەکات.

 

چیرۆکی سەرەکی: بۆ دیاریکردنی یەکەم ڕۆژی ڕەمەزان، خەڵکی دەچنە شاخی گڵەزەردە و چاودێریی بینینی مانگ دەکەن، بەڵام ئەمساڵ بەهۆی خراپی کەشوهەواوە، بڕیارە کەس نەچێت و بۆ ئەمەش ئەوقافی سلێمانی داوای لە هاونیشتمانیان کردووە هەرکات مانگیان بینی، پەیوەندییان پێوە بکەن. 

 

لێدوانی فەرمی: هاوژین ڕەئوف، بەڕێوەبەری ئەوقافی سلێمانی بە ئاڤا نیوزی گوت: "داوامان لە خەڵکی کردووە ئەگەر مانگیان بینی، ئاگادارمان بکەنەوە".

 

لەلایەکی دیکەوە: دیوانی وەقفی سوننیش داوای لە هاووڵاتیان کردووە ئەگەر مانگیان بینی، پەیوەندییان پێوە بکەن.