فایلی خەڵک؛ مووچەخۆرانی دێرەلووک و شیلادزێ داوای زیادکردنی ATM دەکەن

 

ئاڤا نیوز

مووچەخۆرانی دێرەلووك و شیلادزێ لە سنووری پارێزگای  دهۆک دەڵێن، 20 هەزار كەسین، بەڵام تەنیا دوو ATM لە سنوورەکە دانراون، بۆیە لە کاتی دابەشكردنی مووچە قەرەباڵغییەكی زۆر دروست دەبێت.

چیرۆکی سەرەکی: بە پێی بڕیاری حکومەتی هەرێمی کوردستان لە کابینەی نۆیەم، پێویستە هەموو مووچەخۆران خۆیان لە پڕۆژەی هەژماری من تۆمار بکەن و مووچەکانیان لە ڕێگەی بانکەکانی بەشدار لە پرۆژەکە لەڕێگەی ATMـەکانەوە وەربگرن.

لێدوانی فەرمی:  تیمی هەژماری من، بە ئاڤایان گوت، هەر هەزار مووچەخۆرێک ATMـێکی بۆ دادەنرێت. فەرمانبەرانی شیلادزێ و دێرەلووك مافی خۆیانە داوای ATMـی زیاتر بكەن.  بە دڵنیاییەوە ژمارەی ATMـەکانی ئەو دوو شارۆچكەیە لە كاتێكی نزیكدا زیاد دەكرێن و ئێستا 2 دانەیە، 18 دانەی تر دادەنرێن.