پاڤیلیۆن دەریاچەیەک لە هەولێر بە سیستەمی دەستکرد دروست دەکات

ئاڤا نیوز

پرۆژەی پاڤیلیۆن بای ڕامس، یەکێکە لە جوانترین و  ناوازەترین پرۆژەکانی نیشتەجێبوون لەسەر ئاستی هەرێمی کوردستان و عێراق و ناوچەکەدا  و دەکەوێتە شاری هەولێر و دەریاچەیەکی گەورەی تێدا دروست دەکرێت کە ڕووبەرەکەی سێ سەد هەزار مەتر دووجا.

وێنە گەورەکە: پرۆژەکە دەکەوێتە سەر شەقامی 100مەتری شاری هەولێر لە تەنیشت فڕۆکەخانەی نێودەوڵەتی هەولێر کە گەورەترین و جوانترین پرۆژەی نیشتەجێبوونە لە هەموو عێراق، تاکە پرۆژەیە کە دەریاچەی تێدایە.

بۆچی گرنگە: ئەوەی گرنگە لەم پرۆژەیەدا، ئەوەیە کە دۆستی ژینگەیە، واتە ژینگەی شاری هەولێر پاک دەکاتەوە و ناوجەرگەی هەولێر فێنک دەکاتەوە.

دەریاچەکە چۆن دروست دەکرێت؟

دەریاچەیەكی گەورەی دەستكرد بە ڕووبەری سێ سەد هەزار مەتر دووجا لەناو پرۆژەکە دروست دەکرێت، لە هەمووشی گرنگتر ئەوەیە کە ئاوی ناو شاری هەولێر لەو دەریاچەیە بەکارناهێنرێت، بەڵکو لە زێی گەورە ڕاستەوخۆ بە بۆڕی و بە درێژایی 37 کیلۆمەتر ئاو دەگوازنەوە بۆ پرۆژەکە.

- کارگێڕی پرۆژەکە دەڵێت: ئێمە ئاوی خەڵکی هەولێر بەکارناهێنین. ئەم دەریاچەیە سیستەمێکی دەستکردە و سوود لە ژیریی دەبینین، ئەو ئاوەی لەم دەریاچەیەدا بەکاردێت بە سیستەمێکی پێشکەوتووی جیهانی ڕیسایکڵ دەکرێتەوە و دووبارە بەکاردێتەوە.

ئەوەی پێویستە بیزانیت: ژێر دەریاچەکە بە ڕووپۆشێکی تایبەت داپۆشراوە کە لە ئاژانسی ناساوە هێناویانە، هەموو ئەم سیستەمانە لە بەرلینی ئەڵمانیا دروستکراون و لەوێوە دەیهێنن.

ئەمەش بزانە: سوودی ئەم پرۆژەیە تەنیا بۆ خەڵکی دانیشتووی ناو پاڤیلیۆن نییە، بەڵکو خەڵکی دەرەوەی پرۆژەکەش دەتوانن سەردانی بکەن و کاتی خۆش بەسەر ببەن و سەیری سەیری دەریاچەکە و ئاوی سازگار و جوان بکەن.

زانیاریی زیاتر: پرۆژەکە كتێبخانە، شانۆ، قوتابخانە و گەورەترین سەنتەری وەرزشیی لە ڕۆژهەڵاتی ناوەڕاست، مۆڵ و سینەما لەخۆ دەگرێت.