ئەمڕۆ شاندێکی هەرێمی کوردستان دەچێتە ئەبوزەبی

ئاڤا نیوز

 

شاندێکی هەرێمی کوردستان بۆ بەشداریکردن لە لوتکەی وەبەرهێنانی ئەبوزەبی سەردانی ئیمارات دەکات.

 

وێنە گەورەکە: 14ـین کۆنفڕانسی لووتکەی وەبەرهێنان لە ئەبوزەبی لە ئیمارات دەستپێدەکات، ئەم کۆنفڕانسە ساڵانەیە، بۆ ئەمساڵ 180 وڵات تێیدا بەشدار دەبن،  هەروەها ژمارەیەک لە سەرۆکی وڵاتان، 60 وەزیر، پارێزگاری بانکی ناوەندیی وڵاتان، زیاتر لە 30 پارێزگار، سەرۆک شارەوانیی وڵاتان و هەزار و 250 پانێڵست تێدا بەشدار دەبن، زیاتر 400 پانێڵ لە کۆنفرانسەکەدا بەڕێوەدەچێت، هەروەها 600 شوێن بۆ پێشانگا و نمایشکردنی کۆمپانیاکان کراوەتەوە.

 

لێدوانی فەرمی: بەرگەشت ئاکرەیی، وتەبێژی دەستەی وەبەرهێنان بە ئاڤا میدیای ڕاگەیاند: کاتژمێر 04:00ـی ئێوارەی ئەمڕۆ 6-4-2025، شاندێکی هەرێمی کوردستان بۆ بەشداریکردن لە لوتکەی وەبەرهێنانی ئەبوزەبی سەردانی ئیمارات دەکەن.

 

زانیاریی زیاتر: شاندەکە لە سەرۆکی دەستەی وەبەرهێنان و نوێنەری وەزارەتی بازرگانی و پیشەسازی و 10 وەبەرهێنەر و بازرگان پێکهاتووە.

 

ئەوەی پێویستە بیزانیت: کۆنفرانسەکە لەژێر ناوی 'نەخشەکێشانی داهاتووی وەبەرهێنانی جیهان' بەڕێوەدەچێت.

 

بۆچی گرنگە: سەرەڕای دیوە ئابوورییەکەی، ئەم کۆنگرەیە لایەنی سیاسیی و دیپلۆماسی گرنگی هەیە، ئەمەش کاریگەریی باشی لەسەر پێگەی هەرێمی کوردستان لەو ڕووەوە دەبێت.