دوو کۆگای هەڵگرتنی گۆشت لە ئیسکانی هەولێر دادەخرێن

ئاڤا نیوز

لیژنەکانی قایمقامیەتیی قەزای هەولێر دوو کۆگای هەڵگرتنی گۆشتیان لە شەقامی ئیسکان لە شاری هەولێر داخست.

چیرۆکی سەرەکی: بەهۆی پابەند نەبوون بە ڕێنماییە تەندروستییەکان، لیژنەکانی قایمقامیەت بەردەوامن لە داخستنی شوێنە بازرگانیەکان و خواردەمەنیەکان، ئێوارەی ئەمڕۆش دوو کۆگای گۆشت داخران.

ڕاگەیێنراوی فەرمی: قایمقامیەتی هەولێر، ڕایگەیاند، ئەمڕۆ یەکشەممە 2025-04-06، لەلایەن لیژنەی قایمقامیەتیی قەزایی ناوەندیی هەولێر بە هەماهەنگی لەگەڵ ئاسایشی هەولێر، لە چوارچێوەی هەڵمەتی چاودێریكردنی بازار و ڕێگەگرتن لە ساغکردنەوەی خۆراکی ماوه‌ بەسەرچوو و پشکنین و بەدواداچوون و لێپرسینەوە لە نرخ و كوالێتی شوێنەکان، لە شەقامی ئیسکان دوو کۆگای هەڵگرتنی گۆشت و هەردوو چێشتخانەی (باوانەکەم) و (کۆشکی سوور)، بە هۆی پابەند نەبوونیان بە ڕێنماییەکان و نەبوونی مەرجەکانی تەندروستی و سەلامەتی و پاک و خاوێنی داخران.

زانیاریی زیاتر: داخستنی ئەم شوێنانە دوای بەدواداچوونی ڕاپۆرتی کەناڵی ئاڤا دێت لەسەر هەبوونی گۆشتی ماوە بەسەرچوو لە بەشێک لە کۆگاکانی شەقامی ئیسکانی شاری هەولێر.