شەپۆلێکی بارانبارین ڕوو لە هەرێمی کوردستان دەکات

ئاڤا نیوز

 

بەگوێرەی پێشبینییەکانی کەشوهەوا شەپۆلێکی جەمسەری باکوور ڕوو لە ناوچەکانی هەرێمی کوردستان دەکات و پلەکانی گەرما بۆ خوار 20 دادەبەزن.

 

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند: ڕۆژی 10-4-2025، شەپۆلێکی بارانبارین لە جەمسەری باکوورەوە ڕوو لە ناوچەکانی هەرێمی کوردستان دەکات، بەوهۆیەوە پلەکانی گەرما بۆ خوار 20 پلە دادەبەزن.

 

زانیاریی زیاتر: پلەکانی گەرما و ڕادەی شێ و خێرایی با بۆ ڕۆژی چوارشەممە بەم جۆرە دەبێت:

 

-بەرزترین پلەی گەرما 21 بۆ 30 دەبێت.
-نزمترین پلەی گەرما 14 بۆ 22 دەبێت.
-ڕادەی شێ 55٪ تاوەکو 70٪ دەبێت.
-خێرایی با 20 بۆ 30 کیلۆمەتر لە یەک کاتژمێردا دەبێت.

 

ئەوەی پێویستە بیزانیت: شەپۆلێکی گەرمای بەهێز ڕوو لە باشوور و ناوەڕاستی عێراق دەکات، هەروەها پلەکانی گەرما تاوەکو 40 پلە بەرزدەبنەوە، هەروەها خۆڵبارینیش لە باشووری عێراق لەگەڵ بارانبارین دەبێت، بەڵام بەهۆی ئەو شەپۆلەی جەمسەری باکوورەوە گەرماکە ناگاتە هەرێمی کوردستان.