سوپای ئیسرائیل بەهۆی نامەیەک دەیان فڕۆکەوان لە ڕیزەکانی دەردەکات

ئاڤا نیوز

 

سوپای ئیسرائیل بڕیاری داوە دەیان فڕۆکەوان لە ڕیزەکانی دوور بخاتەوە و کۆتایی بە خزمەتیان بهێنێت. 

هۆکارە زانراوەکان: ئەم بڕیارە دوای ئەوە هات کە نزیکەی هەزار سەربازی یەدەگ و خانەنشینی سوپای ئیسرائیل، لە ناویشیاندا دەیان فڕۆکەوان، نامەیەکیان واژو کردووە: کە تیایدا داوا دەکرێت ئازادکردنی بارمتەکانی ئیسرائیل گەرەنتی بکرێت، تەنانەت ئەگەر پێویست بە وەستانی هێرشەکان بۆ سەر غەززە بکات.

زانیاریی زیاتر: لە بەشێکی نامەکەدا هاتووە "وەک لە ڕابردوودا سەلمێنراوە، تەنها ڕێککەوتن دەتوانێت بارمتەکان بە سەلامەتی بگەڕێنێتەوە، لە کاتێکدا فشاری سەربازی بە شێوەیەکی سەرەکی دەبێتە هۆی کوشتنی بارمتەکان و خستنە مەترسی سەربازەکانمان." 

کاریگەری و لێکەوتەکان: سوپای بڕیاری داوە ئەو سەربازە یەدەگانەی کە نامەکەیان واژوو کردووە لە خزمەتی سەربازی دوور بخرێنەوە.