تۆمەتباری ئاگرەکەی بازاڕی دارەسووتاوەکەی سلێمانی ئازاد کرا

ئاڤا نیوز

 

ئەو کەسەی بەتۆمەتی سووتانی بازاڕی دارەسووتاوەکەی سلێمانی دەستگیر کرابوو ئازاد کرا، وتەبێژی پۆلیسی سلێمانیش لەوبارەیەوە دەڵێت، 'ئەو کەسە تەنیا گومانلێکراو بووە'.

 

وێنە گەورەکە: کاتژمێر 06:00ی سەرلەبەیانی ڕۆژی 5-4-2025، بازاڕی دارەسووتاوەکە گڕی گرت و بەهۆی ئاگرەکەوە 150 دووکان سووتا و جگە لە زیانی ماددی زیانی گیانی نەبوو، دواتر کەسێک بە تۆمەتی سووتاندنی بازاڕەکە لەلایەن هێزە ئەمنییەکانەوە دەستگیر کرا، ئەمڕۆش هەواڵی ئازادکردنی لەلایەن دادگاوە بڵاوکرایەوە.

 

لێدوانی فەرمی: سەرکەوت ئەحمەد، وتەبێژی بەڕێوەبەرایەتیی پۆلیسی سلێمانی، بە ئاڤا میدیای ڕاگەیاند: ئەو نەوجەوانە بە گومانی سووتاندنی بازاڕەکە دەستگیر کرابوو، دیارە بۆ دادگا ڕوونبووەتەوە کە ڕەنگە دەستی لە ڕووداوەکەدا نەبێت، بۆیە بە کەفالەت ئازاد کرا.

 

زانیاریی زیاتر: سەرکەوت ئەحمەد وتیشی: ئەم کوڕە لە شەوی ڕووداوەکە لەحیمی کردووە، دواتر کارەبای هەڵداوەتەوە و دوکانەکەی داخستووە و ڕۆیشتووە، خۆی دانی بەو تاوەنە نەناوە، جگە لەوەش ئاگرەکە کاتژمێر 06:00ی سەرلەبەیانی دروست بووە و هیچ پەیوەندی بەمەوە نییە.

 

ئەوەی پێویستە بیزانیت: پۆلیس لە لێکۆڵینەوەکانی بۆ دیاریکردنی هۆکاری ئاگرکەوتنەوەکە بەردەوامە.

باکگراوند: