شاندی دانووستاندنکاری ئێران گەیشتە عومان

ئاڤا نیوز

 

ئەمڕۆ شەممە 12-4-2025، دانووستان بۆ پرسی ئەتۆمی ئێران لەنێوان شاندی ئەمریکا و ئێران  لە وڵاتی عومان ئەنجامدەدرێت.
 
زانیاریی بەدەستهاتوو: سەرچاوە ئێرانییەکان ئاشکرایان کردووە، عەباس عێراقچی، وەزیری دەرەوەی ئێران پێش دانووستان لەگەڵ شاندی ئەمریکا، یەکەمجار لەگەڵ بەرپرسانی عومان کۆدەبێتەوە.

 

زانیاریی زیاتر: ئێران بەوریاییەوە لە دانووستانەکان نزیک دەبێتەوە هاوکات، ترەمپ چەندین جار هەڕەشەی لە ئێران کردووە لە ئەگەری ڕانەگرتنی بەرنامە ئەتۆمییەکەی ئەوا هێرش دەکرێتە سەر وڵاتەکەیان.

 

ئەوەی پێویستە بیزانیت: ستیڤ ویتکۆف، نوێنەری ترەمپ لە ڕۆژهەڵاتی ناوەڕاست و عەباس عێراقچی، وەزیری دەرەوەی ئێران ئامادەیی دانووستانەکان دەبن، تا ئێستا دیار نییە گفتوگۆکان ڕاستەوخۆ یان ناڕاستەوخۆ دەبن، بەو پێیەی ئێران پێداگری لەسەر ئەوە کردووە کە تەنیا دانووستانی ناڕاستەوخۆ دەکات، ئەمریکاش سوورە لەسەر ئەنجامدانی دانووستانی ڕاستەوخۆ.