ئێران ‌هەڵوێستی خۆی بۆ عومان ئاشكراکردووە

ئاڤا نیوز

 

وەزیری دەرەوەی ئێران ئاشکرای دەکات، شاندی دانووستاندکاری وڵاتەکە، پرس و هەڵوێستی وڵاتەکەی بۆ لایەنی عومانی ئاشکرا کردووە

 

لێدوانی فەرمی: عەباس عێراقچی ، وەزیری دەرەوەی ئێران ڕایگەیاند، هەڵوێستەکانی تاران خراونەتە بەردەم هاوتا عومانییەکە دواتر ئەو هەڵوێستانە دەگەیەنێتە لایەنی ئەمریکا.

 

زانیاریی بەدەستهاتوو: عێراقچی لە میانەی سەردانەکەی بۆ عومان ئاماژەی بەوەکردووە، ئێران دەیەوێت بگات بە ڕێککەوتنێکی دادپەروەرانە.

 

زانیاریی زیاتر: دواجار ئەمریکا و ئێران بە مەبەستی ڕێککەوتنی پرسی ئەتۆمی ئێران لە عومان دانووستاندیان ئەنجامدا، شاندی هەر یەکە لە ئەمریکا و ئێران ئامادەبوون، تاوەکو ئێستا هیچ وردەکارییەکی دیکە نەخراوەتەڕوو

 

ئەوەی پێویستە بیزانیت: عێراقچی، لەگەڵ بەرپرسانی عومان کۆبوویەوە و پرس و ڕایان ئاڵۆگۆڕکرد، لەم دیدارەدا، ستیڤ ویتکۆف، نوێنەری ترەمپ لە ڕۆژهەڵاتی ناوەڕاست و عەباس عێراقچی، وەزیری دەرەوەی ئێران سەرکردایەتیی ئەم دانووستانە دەکەن