وەزیری نەوتی ئێران سەردانی بەغدا دەکات

ئاڤا نیوز

وا بڕیارە لە چەند ڕۆژی داهاتوو، وەزیری نەوتی ئێران لەسەر داوای حەیان عەبدولغەنی، وەزیری نەوتی فیدراڵی سەردانی عێراق بکات و لەگەڵ بەرپرسانی باڵای عێراق کۆببێتەوە و ڕێککەوتنی دوو قۆڵی لەبارەی وزەوە بکات.

وێنە گەورەکە: موحسین پاکنەژاد، وەزیری نەوتی ئێران لەسەر بانگهێشتی هاوتا عێراقییەکەی بە سەردانێکی فەرمی لەچەند ڕۆژی داهاتوودا دەگاتە بەغدا.

لێدوانی فەرمی: سەرچاوەیەک لە حکومەتی عێراق بە ئاڤا میدیای ڕاگەیاند: وەزیری نەوتی ئێران لە سەردانەکەیدا بۆ بەغدا، پرسی غاز و وزە لەگەڵ بەرپرسان تاوتوێ دەکات، کار لەسەر واژۆکردنی ڕێککەوتنێکی دووقۆڵی لەبارەی وزە دەکات.

لەلایەکی دیکەوە: ئاژانسی هەواڵی "ئیرنا"ی ئێرانی لە زاری نەژادەوە بڵاویکردەوە، پەیوەندی و کارلێکی باش لەگەڵ عێراق لە بوارە جیاجیاکاندا هەیە، بەتایبەتی لە پیشەسازی نەوت و جێبەجێکردنی پڕۆژە نەوتییەکان.

- لە میانەی سەردانەکەی بۆ عێراق یاداشتنامەی لێکتێگەیشتن لە کەرتی وزە واژۆ دەکرێت.