ئامینە زیکری: داواکارین سیستمی کۆتا بۆ ئافرەتان فراوانتر بکرێت

ئاڤا نیوز

 

ئامینە زیکری لە یەکەمین کۆنفراسنی ئافرەتانی کوردستان ڕایگەیاند، هەلی یەکسان لە پلە بەرزکردنەوە و پێدانی دەرفەتی پلەی تایبەت لە دامەزراوەکانی دەسەڵاتی جێبەجێکردن بە گرنگ دەزانین.

وێنە گەورەکە: ئەمڕۆ 13-4-2025، بە ئامادەبوونی سەرۆک بارزانی و مەسرور بارزانی، یەکەمین کۆنفراسنی ئافرەتانی کوردستان بەناونیشانی 'بە تواناکانمان داهاتوو بوونیاد دەنێین' لە هەولێر بەڕێوەچوو.

لێدوانی فەرمی: ئامینە زیکری، ئەندامی مەکتەبی سیاسیی پارتی، لە کۆنفڕانسەکەدا ڕایگەیاند: هەلی یەکسان لە پلە بەرزکردنەوە و پێدانی دەرفەتی پلەی تایبەت لە دامەزراوەکانی دەسەڵاتی جێبەجێکردن بە گرنگ دەزانین، بۆیە داواکارین سیستمی کۆتا لە دامەزراوە جیاجیاکانی هەرێمی کوردستان و ئۆرگانە حزبییەکان فراوانتر بکرێت.

 

زانیاری زیاتر: 700 ئافرەت لەنێو ئۆرگانەکانی حزب و دامودەزگاکانی حکومەت و سەرۆکایەتی هەرێمی کوردستان و پەرلەمانی کوردستان و ئەنجوومەنی نوێنەرانی عێراق لە کۆنفڕانسەکەدا بەشدارن.

لەلایەکی دیکەوە: ئامینە زیکری وتی: پڕۆژەی دامەزرانی 'ئەکادیمیای ئافرەتان لە سیاسەت'دا بە گرنگ دەزانین، بۆ ڕاهێنان و پەرەپێدانی تواناکانیان لە بواری سیاسیی دا.

 

ئەوەی پێویستە بیزانیت: ئامانج لە کۆنفڕانسەکە گفتوگۆکردنی هەمە لایەنەیە لەبەردەم ئەو کێشانەی دێنە پێش بۆ ئافرەتن لە ناو ئۆرگانەکانی حزب و دامەزراوەکانی حکومەتدا.