لە کەرکووک زەوی بەسەر مامۆستا و فەرمانبەرانی پەروەردەدا دابەش دەکرێت

ئاڤا نیوز

 

پارێزگاری کەرکووک داوا لە بەڕێوەبەرایەتی گشتیی پەروەردەی پارێزگاکەی دەکات "بەخێرایی" ڕێککارەکانی پێدانی زەوی بەسەر مامۆستا و فەرمانبەرانی پەروەردەی کەرکووک تەواو بکات، تا ئەوانیش زەوییان بەسەردا دابەش بکەن.

 

ئەوەی پێویستە بیزانیت: ئەنجوومەنی وەزیرانی عێراق لە کۆبوونەوەی ڕۆژی 8ی ئەم مانگەیدا، بڕیاریدا پرۆسەی دابەشکردنی زەوی بەسەر مامۆستا و فەرمانبەرانی پەروەردەدا  دەستپێبکات.

 

نوسراوی فەرمی: لە نوسراوێکدا کە ئاڕاستەی بەڕێوەبەرایەتیی گشتیی پەروەردەی پارێزگاکەی کردووە، ئەمڕۆ یەکشەممە ڕێبوار تەها، پارێزگاری کەرکووک داوایکردووە بەڕێوەبەرایەتییەکانی خوێندنی عەرەبی، کوردی، تورکمانیی و سریانی دەست بە دابەشکردنی فۆڕم بکەن بەسەر مامۆستا و فەرمانبەراندا تا بەگوێرەی خاڵبەندی و ڕێنماییەکان، زەوییان بەسەردا دابەشبکرێت.

 

- پارێزگاری کەرکووک ئاماژەی بەوەشکردووە، دوای وردبینیی و تەواوکردنی ڕێکارەکان، ئەوان لە زوترین کاتدا زەویی بەسەر مامۆستا و فەرمانبەرانی پەروەردە دابەش دەکەن.