پووتین 100 ملیار دۆلار بۆ پێشخستنی چەکی ئەتۆمی تەرخان دەکات

ئاڤا نیوز

 

لە نوێترین بڕیاریدا ڤلادیمێر پووتین، سەرۆکی ڕووسیا 100 ملیار دۆلار بۆ پێشخستنی چەک و توانای هێزی دەریایی ڕووسیا تەرخان دەکات و بەشی سەرەکی بودجەکە بۆ پێشخستنی چەکی ئەتۆمی دەبێت.

 

وێنە گەورەکە: لە 6 -4 -2025 ئەمریکا و بەریتانیا نوێترین مووشەکی هایپەرسۆنیکیان تاقیکردەوە و بەرهەمهێنانی نوێترین بزوێنەری مووشەکیان ڕاگەیاند. لە بەرامبەردا و لە درێژەی پەرەپێدانەکانی ڕووسیا لە پیشەسازیی چەک و بەرگری و پێشخستنی چەکی ئەتۆمی ئەو وڵاتە لە بەرامبەر ئەمریکا و وڵاتانی ئەوروپا؛ ڤلادیمێر پووتین، سەرۆکی ڕووسیا لە کۆبوونەوەی لەگەڵ فەرماندەکانی هێزی دەریایی وڵاتەکە پلانێکی 10 ساڵەی بۆ پێشخستنی هێزی دەریایی ڕووسیا پێشکەش بە فەرماندەکانی هێزەکە کرد.

 

بڵاوکراوەی فەرمی: ڤلادیمێر پووتین، سەرۆکی ڕووسیا لە کۆبوونەوەی لەگەڵ فەرماندەکانی هێزی دەریایی وڵاتەکەی کە کۆشکی کریملن بەشێک لە وتەکانی بڵاوکردۆتەوە، گەیشتنی ئاستی چەک و ستراتیژیەتی بەرگریی هێزی دەریایی ڕووسیا بە ئاستی %100  لە چەکی بەهێز و پێشکەوتوو، پڕچەکردنی هێزەکەی بە چەکی ئەتۆمی ڕاگەیاند.

 

زانیاریی زیاتر: پووتین لە کۆبوونەوەکەدا پلانێکی 10 ساڵەی پێشکەش بە هێزی دەریایی ڕووسیا بۆ پێشخستنی چەکی ئەتۆمی کرد و  بۆ ئەو مەبەستەش تەرخانکردنی 100 ملیار دۆلاری بۆ جێبەجێکردنی پلانەکە ڕاگەیاند.