كتێبێكی سەرۆك بارزانی لە فێستیڤاڵی كتێب لە پاریس نمایش دەكرێت

ئاڤا نیوز

کتێبی 'بۆ مێژوو'ـی سەرۆك بارزانی وەرگێڕدراوەتە سەر زمانی فەرەنسی و لە گەورەترین فێستیڤاڵی كتێب لە پاریس نمایش كراوە.

وێنە گەورەكە: ماوەی سێ ڕۆژە فێستیڤاڵی كتێب لە پاریس بەڕێوەدەچێت و نوێنەرایەتیی حكومەتی هەرێمی كوردستانیش بەچەندین كتێبی وەرگێڕدراو بۆ زمانی فەرەنسی بەشدارە، لەو فێستیڤاڵەدا كتێبی 'بۆ مێژووی' سەرۆك بارزانی بە زمانی فەرەنسی نمایش كراوە.

ئەوەی پێویستە بیزانیت: رۆژی 22ـی کانوونی دووەمی ئەمساڵ، نوێنەرایەتی حکومەتی هەرێمی کوردستان لە پاریس، بانگەوازێکی بۆ نووسەرانی کورد بڵاوکردەوە و داوای کرد هەر نووسەرێک کتێبی لەسەر کورد نووسیوە، لەو فێستیڤاڵەدا بەشداریی بکات.

ڕاگەیێنراوی فەرمی: ماڵپەڕی فەرمی سەرۆكایەتی هەرێمی كوردستان بڵاویكردووەتەوە، مەبەست لە بەشداریكردن لەو فێستیڤاڵە بۆ ئەوەیە؛ لەڕێگەی ئەدەبەوە نوێنەرایەتی دەوڵەمەندی و فرەچەشنی كولتووری كوردستان بكەین.