سەرۆکوەزیران مەسرور بارزانی و کۆنسوڵی ئیتاڵیا پێکهێنانی کابینەی نوێی حکومەتیان تاوتوێ کرد

ئاڤا نیوز

 

سەرۆکی حکومەتی هەرێمی کوردستان و کۆنسوڵی نوێی ئیتاڵیا لە هەرێمی کوردستان کۆبوونەوە و پەرەپێدانی پەیوەندییەکانی نێوانیان دووپات کردەوە.

 

ڕاگەیێنراویی فەرمی: ڕۆژی 14-4-2025، سەرۆکوەزیران مەسرور بارزانی پێشوازی لە تۆماسۆ سانسۆنی، کۆنسوڵی نوێی ئیتاڵیا لە هەرێمی کوردستان کرد، هەروەها پیرۆزبایی دەستبەکاربوونی لێکرد و هیوای سەرکەوتنی لە ئەرکەکەی بۆ خواست.

 

زانیاریی زیاتر: کۆنسوڵی ئیتاڵیا ئامادەیی وڵاتەکەی بۆ پەرەپێدانی زیاتری پەیوەندییە جۆراو جۆرەکانی نێوان هەردوولای دەربڕی.

 

ئەوەی پێویستە بیزانیت: هەر لەمیانی کۆبوونەوەکەدا پێکهێنانی کابینەی نوێی حکومەتی هەرێمی کوردستان و دۆخی عێراق و ناوچەکە تاوتوێ کران.