سبەی شاندی پارتی و یەکێتی لە هەولێر کۆدەبنەوە

ئاڤا نیوز

 

بڕیارە سبەی هەردوو شاندی دانووستانکاری پارتی و یەکێتی کۆببنەوە، ئەندامێکی سەرکردایەتیی یەکێتی لەوبارەیەوە دەڵێت، "لەمەولا کۆبوونەوەکان چڕتر دەکرێنەوە".

 

زانیاریی تایبەت: ئەندامێکی سەرکردایەتی یەکێتی نیشتمانی کوردستان، بە ئاڤا میدیای ڕاگەیاند: "بڕیارە سبەی سێشەممە شاندی ئێمە بێتە هەولێر و لەگەڵ برادەرانی پارتی لە مەکتەبی سیاسیی پارتی لە سەڵاحەددین کۆدەببەوە، هیچ قسەیەک لەسەر دواخستنی کاتی کۆبوونەوەکە تاوەکو ئێستا نەکراوە".

 

- ئەندامەکەی سەرکردایەتیی یەکێتی دەڵێت: بابەتی پۆست و دابەشکارییەکان دەخرێنەڕوو هەروەها گفتوگۆیان لەسەر دەکرێت.

 

- پێشبینی دەکەم کۆبوونەوەکان لەمەولا چڕتر بکرێنەوە، چونکە بارودۆخی عێراق و ناوچەکە وا دەخوازێت کە ئەم بابەتە چیتر دوانەکەوێت.