وەزارەتی خوێندنی باڵا داوای پلەبەرزکردنەوەی کۆمەڵێک فەرمانبەر دەکات

ئاڤا نیوز

 

وەزارەتی خوێندنی باڵا پشتبەستوو بە بڕیاری دەستەی بەرزەفتکردنی فەرمانبەران - ئەنجوومەنی شورای هەرێمی کوردستان، داوای پلە بەرزکردنەوەی کۆمەڵێک فەرمانبەری زانکۆی گەرمیان دەکات.

 

وێنە گەورەکە: بەهۆی بڕینی بودجەی هەرێمی کوردستان لەلایەن بەغداوە، وەزارەتی دارایی و ئابووری حکومەتی هەرێمی کوردستان لە 24-1-2016ـەوە بەپێی ڕێنمایی ژمارە 11 گشتاندنی کردووە بۆ سەرجەم وەزارەت و دەستەکان کە پلە بەرزکردنەوەی فەرمانبەران ڕادەگیرێت و تا ئێستا ئەو ڕێنماییە هەڵنەوەشاوەتەوە و بەرکارە.

 

گۆشەیەکی دیکەی دیمەنەکە: دەستەی بەرزەفتکردنی فەرمانبەرانی هەرێم-ئەنجوومەنی شورای هەرێمی کوردستان لە 22-10-2024 بڕیاریداوە، هەر مامۆستا و فەرمانبەرێک لە کاتى بەجێهێنانی ئەرکەکەی  بە یاسا و رێنمایەکان لە پسپۆرییەکەى خۆیدا بڕوانامە بەدەستدەهێنێت ئەوا دەبێت بەپێى بڕوانامەکەى پلە و مووچەکەى بۆ خەرج بکرێت. وەزارەتی خوێندنی باڵا لەگەڵ ناردنی داواکاری پلە بەرزکردنەوە، هاوپێچی دەقی بڕیاری ئەنجوومەنی شواری هەرێمیشی کردووە. 

 

لێدوانی فەرمی: د.توانا نەجەف، بەڕێوەبەری گشتی فەرمانگەی کارگێڕی و دارایی لە وەزارەتی خوێندنی باڵا بە ئاڤا میدیای ڕاگەیاند، ئەم نووسراوە بۆ ئەوەیە بزانین وەزارەتی دارایی و ئابووری لەبارەی پلە بەرزکردنەوەی ئەو فەرمانبەرانە وەڵامیان چی دەبێت. جگە لە زانکۆی گەرمیان لە هەموو زانکۆکان فەرمانبەری هاوشێوە هەیە و پێویستە پلە بەرزکردنەوەیان بۆ بکرێت.