لە سلێمانی دوو بازرگانی ماددەی هۆشبەر دەستگیر دەکرێن

ئاڤا نیوز

لە سلێمانی دوو کەس دوای نزیکەی کاتژمێرێک ڕووبەڕووبوونەوە لەگەڵ هێزە ئەمنییەکان بە ماددەی هۆشبەرەوە دەستگیرکران.

وێنە گەورەکە: پێش نیوەڕۆی ئەمڕۆ لەسەر شەقامی شەستیی شاری سلێمانی دوو بازرگان و بەکارهێنەری ماددەی هۆشبەر ویستوویانە ماددەکانیان ئاڵوگۆڕ بکەن، هێزە ئەمنییەکانیش چوونەتە سەریان و ڕووبەڕووبوونەوە ڕوویداوە و دواتر دەستگیرکراون.

لێدوانی فەرمی: ئاسایشی سلێمانی بە ئاڤای گوت، ئەو کەسانە 10 کیلۆ تلیاکیان پێبووە و ویستوویانە ئاڵوگۆڕی بکەن، لەو کاتەش هێزەکانی  ئاسایشی سلێمانی بەهۆی بوونی زانیاری پێشوەختە چوونەتە سەریان، یەکێک لەوان چەکی پێبووە و ڕووبەڕووی هێزە ئەمنییەکان بووەتەوە و نزیکەی کاتژمێرێک بەرگری کردووە، بەبێ ئەوەی هیچ کەسێک بریندار بێت، دەستگیرکراون.