سەرۆکایەتیی کۆمار داوای پەسەندکردنی یاسای قەرەبووکردنەوەی کەسوکاری ئەنفال دەکات

ئاڤا نیوز

لە ساڵیادی شاڵاوی ئەنفال، سەرۆکایەتیی کۆماری عێراق داوا لە پەرلەمانی عێراق دەکات، یاسای قەرەبوونکردنەوەی ماددی و مەعنەویی کەسوکاری ئەنفال پەسەند بکات.

چیرۆکی سەرەکی: ئەمڕۆ یادی 37 ساڵەی شاڵاوی ئەنفالە کە لەلایەن ڕژێمی بەعسی عێراقەوە بە هەشت قۆناغ و لە چەندین ناوچەی جیاوازی باشووری کوردستان ئەنجامدراوە، لە ئەنجامدا 182 هەزار ژن و منداڵ و پیاوی کوردستانی جینۆساید کران.

ڕاگەیێنراوی فەرمی: سەرۆکایەتیی کۆماری عێراق لە بەیاننامەیەکدا ڕایگەیاند: بەتووندی ئەم تاوانە قێزەونە سەرکۆنە دەکەین، دووپاتی دەکەینەوە تاوانەکە کۆمەڵکوژی بووە، پێویستە ئەنفال بە کۆمەڵکوژیی نێودەوڵەتی دانی پێدا بنرێت.

- سەرۆکایەتیی کۆمار داوا لە هەموو عەرەب، کورد، شیعە، سوننە، کریستیان و تورکمان و هەموو پێکهاتەکانی تر دەکات، یەکڕیزبن و پابەندبن بە سیستمی دیموکراسی کە گەرەنتی ئاشتی و دادپەروەری و پێکەوەژیان لە نێوان هەموو پێکهاتەکانی کۆمەڵگەی عێراقدا دەکات.