لە هەولێر نۆ هەزار زەوی تاپۆکران

ئاڤا نیوز

 

بەشێکی دیکەی نەخشەی کەرتی ناوچەی باغمرە شەهاب لە هەولێر، کرداری گۆڕینی "کارت بۆ سەنەد"ی بۆ ئەنجامدرا کە نزیکەی 9 هەزار پارچە زەوی دەبێت، ئێستا وێنەی تۆمارەکانیان گەڕاوەتەوە و تاپۆکانیان ئامادەن.

 

وێنە گەورەکە: دوای جیاوازکردنەوەی نەخشەی کەرتی زەوییەکان، کارتی زەوی دەدرێت بە سوودمەندبووان تا پرۆسەی گۆڕینی کارت بۆ سەنەد دەکرێت و  تاپۆکەی دەردەچێت.

 

لێدوانی فەرمی: سەربەست مەولوود، بەرپرسی بەشی یاسایی لە وەزارەتی شارەوانی و گەشتوگوزار بە ئاڤای گوت، "ئەو زەوییانە پێشووتر بۆ  کەسوکاری شەهیدان دەرچوون، بەشێکیشیان وەک قەرەبوو بە هاووڵاتییان دراون، بەشێکی زۆریان تاپۆکراون و هیچ کێشەیەکی یاساییان نییە."