ل زاخۆ زێدەتر ژ 20 جهێن بازرگانى بهایێ کەلوپەلێن خۆ کێمکرن

ئاڤا نیوز

ژ پێخەمەت هاریکاریکرنا وەلاتیان کو بشێن پێدڤیێن خۆ دابین بکەن، زێدەتر ژ 20 جهێن بازرگانى ل زاخۆ بهایێ کەلوپەلێن خۆ کێمکرن.

بۆچی گرنگە: پتریا دەمان دگەل هاتنا هەیڤا ڕەمەزانێ بەشەک ژ بازرگان و فرۆشیاران بهایێ کەلوپەلێن خۆ بلند دکەن.

داخویانیا فەرمى: کوڤان ئاڤدەل، ڕێڤەبەرێ چاڤدێریا بازرگانى ل ئیدارا سەربەخۆیا زاخۆ بۆ ئاڤا نیوز دیارکر: بۆ هەیڤا ڕەمەزانا پیرۆز ل هەمى بازارێن ئیدارا سەربەخۆیا زاخۆ بهایێ کەلوپەلان هاتیە کێمکرن.

زانیاریێن زێدەتر: 20 جهێن بازرگانى کو ژ مارکێت و گۆشتفروشى و مولان پێکدهێن، بهایێ کەلوپەلێن خۆ د ڤێ هەیڤێ دا ل هەمبەر وەلاتیان کێمکرینە.