نەتەوەیەكگرتووەكان: زیاتر لە 17 ملیۆن خەڵکی ئەفغانستان برسین

ئاڤا نیوز

 

نەتەوەیەکگرتووەکان سەبارەت بە زیادبوونی ژمارەی خەڵکی هەژار و برسی لە ئەفغانستان هۆشداری دەدات و دەڵێت زیاتر لە 17 ملیۆن کەس لەو وڵاتە کێشەی کەمیی خۆراکیان هەیە.

 

ڕاگەیێنراوی فەرمی: پڕۆگرامی خۆراکی جیهانی سەر بە نەتەوەیەکگرتووەکان ڕایگەیاند، دۆخەکە خراپتر دەبێت و پێویستە ئێستە دەستبەکار بین چونکە ئەفغانستان دەچێتە وەرزی زستانەوە و لەم وەرزەدا پێویستییەکان دەگەنە بەرزترین ئاست.

 

زانیاریی زیاتر: ئەمساڵ لە ئەفغانستان سێ ملیۆن کەس زیاتر لە ساڵی ڕابردوو ڕووبەڕووی کەمیی خۆراک دەبنەوە.

 

ئەمەش بزانە: ئەمساڵ 2.5 ملیۆن ئاوارەی ئەفغانستان لە ئێران و پاکستانەوە گەڕێنراونەتەوە بۆ وڵاتەکەیان و ئەمەش دۆخەکەی خراپتر کردووە. پێشبینیش دەکرێت لە ساڵی داهاتوودا هێندەی ئەمساڵ ئاوارەی دیکە بگەڕێنرێنەوە.

 

ئەوەی پێویستە بیزانیت: پڕۆگرامی خۆراکی جیهانی پێویستیی بە پارەدارکردن هەیە و ئێستا تەنیا 12٪ـی سەرچاوە داراییە پیویستەکانی بەردەستە بۆ ڕووبەڕووبوونەوەی برسیەتی لە ئەفغانستان.