چین، ئەمریکا بە دزینی زانیارییە نهێنییە ئابووریەکان تۆمەتبار دەکات

ئاڤا نیوز

 

چین، دەزگای ئاسایشی نیشتمانیی ئەمریکا بە ئەنجامدانی هێرشی ئەلیکترۆنی بۆ سەر زانیارییە نهێنییەکانی ژێرخانی ئابووری وڵاتەکەی تۆمەتبار دەکات.

 

وێنە گەورەکە: پەیوەندییەکانی نێوان چین و ئەمریکا هەنگاو بەرەو گرژی و ناکۆکی زیاتر دەنێت، هەردوو دەوڵەت بوون بە دوو جەمسەری سەرەکی جەنگی بازرگانی و سەپاندنی پێناسی گومرگی بەسەر بەرهەمەکانی یەکدی بە ڕێژەیەکی زۆر بەرز دەسەپێنن کە مێژووی پەیوەندییە بازرگانییەکانی هەردوو وڵات ئاستی سەپاندنی سزای ئابووری لەو شێوەیەی بەخۆوە نەدیبووە. سەرباری ئەو شەڕە بازرگانییە پەیجینگ، واشنتن بە هێرشکردنە سەر ژێرخانی ئابوورییەکەی تۆمەتبار دەکات.

 

بڵاوکراوەی فەرمی: پۆلیسی چین ئەمڕۆ سێشەممە لە بڵاوکراوەیەکی فەرمیدا ڕایگەیاند، دەزگای ئاسایشی نیشتمانیی ئەمریکا هێرشی کردۆتە سەر چەند کۆمپانیا و کەرتی چالاکی ژێرخانی ئابووری وڵاتەکەیان، کۆمپانیای هواوی و چەند کۆمپانیایەکی دیکە لە ئامانجە سەرەکیەکانی هێرشەکە بوون و بریکارەکانی دەزگای ئاسایشی نیشتمانیی ئەمریکا کە سێ کەس بوون هەوڵی دزینی زانیارییە نهێنیەکانیان داوە.

 

لەلایەکی دیکە: ئاژانسی هەواڵی فەرمی چین  زانکۆکانی کالیفۆرنیا و ڤێرجینیای بە بەشداریکردن لە هێرشە ئەلیکترۆنیەکان تۆمەتبار کرد.