سری سورەیا ئۆندەر تەندروستی ناجێگیرە

ئاڤا نیوز

سری سورەیا ئۆندەر، پەرلەمانتاری دەم پارتی و ئەندامی شاندی ئیمراڵی، درەنگانی دوێنی شەو دۆخی تەندروستی تێکچوو، تووشی پچڕانی دەماری دڵ بوو و گەیێنرایە نەخۆشخانە، هێشتا لە نەشتەرگەریدایە و دۆخی تەندروستی لە مەترسیدایە، ڕەجەب تەیب ئەردۆغانیش بە وردی چاودێری دۆخی تەندروستی دەکات.

بۆچی گرنگە: ئۆندەر کارەکتەرێکی دیار و کاریگەرە لە نێو مەیدانی سیاسی تورکیا، بە تایبەت  لە پرسی ئاشتەوایی کورد، ڕۆڵێکی کاریگەری هەیە. هەموو تورکیا چاویان لە ئەنجامی نەشتەگەرییەکەی ئۆندەرە، چاوەڕێ دەکەن هەواڵی سەرکەوتنی نەشتەرگەرییەکەی ببیستن.

ڕاگەیێنراوی فەرمی: تولای هاتیمئۆغلولەری، هاوسەرۆکی دەم پارتی ڕایگەیاند، کە ئۆندەر زۆر سەختی تێپەڕاندووە، دڵنیاین ئەمەش تێدەپەڕێنێت و چاوەڕی دەکەین نەشتەرگەری بۆ بکرێت.

سەرچاوە تەندروستییەکان ڕایانگەیاندووە، ئۆندەر تووشی پچڕانی دەمارەکانی دڵ بووە، نەشتەرگەرییەکی 8 کاتژمێری بۆ دەکرێت و دۆخی تەندروستی ناجێگیرە و لە مەترسیدایە.

ئەوەی پێویستە بیزانیت: ئۆندەر پێشووتر لە چاوپێکەوتنێکدا باسی لەوە کردبوو کە کۆمەڵێک نەخۆشی هەیە.

کاردانەوەکان: ڕەجەب تەیب ئەردۆغان، سەرۆککۆماری تورکیا ڕاستەوخۆ چاودێری دۆخی تەندروستی ئۆندەر دەکات، زوو زوو پەیوەندی بە نەخۆسخانەکە دەکات، بۆئاگاداربوون لە بەرەوپێشچوونەکانی نەشتەرگەرییەکەی.

لە لایەکی دیکەوە: دەوڵەت باخچەلی، سەرۆکی مەهەپە، پەیوەندی بە کەسە نزیکەکانی کردووە هیوای سەلامەتی بۆ خواستووە.